الغايب اللي تاه في وسـط دنيـاه
ياما نشدت الوقت وينـه ووينـه
ايام راحت لا كن القلـب حاكـاه
ونطق بعكس اللي ورد في كنينـه
كنيتهـا لجـل الرجـال المسمـاه
ياشين بعض الهرج وقته وحينـه
حسيت كن الحب يبنـي زوايـاه
والخوف خوف القلب يفقد حنينـه
يومين لاكن جر قلبي من اقصـاه
وين الضنين اللي عرف له ضنينه
واليوم يامحمـد يسعدلـي مسـاه
وياجعل يسعد كـل باقـي سنينـه
لا يارفيقي لا تقـول انـي ابغـاه
الله يزيـد فـراق بينـي وبيـنـه
حبً على غير السنع طاح مبنـاه
قلبً سبق عقلـه بحكمـه بعينـه
وماضاع من دنياي شـي اتمنـاه
الا وقلـت ان الحسايـف غبينـه
الخاطر اللي جاك استـر خفايـاه
جيت بجواب السين ولا تقول سينه
/// منقوول \\\
الأحد أبريل 06, 2008 6:38 pm
